سياسة الخصوصية

البيانات اللي بنجمعها منك

بيانات الحساب: الاسم والإيميل وكلمة المرور (مشفرة) وبيانات نشاطك والتليفون.

محتوى موقعك والصور اللي بترفعها.

بيانات تقنية بسيطة لحماية الخدمة، زي عنوان IP عند تسجيل الدخول والتسجيل لمنع الإساءة.

بيانات زوار موقعك

لما زائر يبعت طلب حجز أو رسالة من موقعك، بنحفظ بياناته (الاسم والتليفون والرسالة وأي تفاصيل بيكتبها) وبنبعتها لك.

في الحالة دي انت المسؤول عن البيانات دي (المتحكم)، وإحنا بنعالجها بالنيابة عنك علشان نوصلها لك بس. بنحفظ بصمة مشفرة لعنوان IP مش العنوان نفسه.

بنستخدم البيانات في إيه

تشغيل حسابك وموقعك، والتحقق من إيميلك، وإرسال الطلبات والتنبيهات، والتواصل معاك بخصوص النشر والدفع والدعم، وحماية المنصة من الإساءة.

مش بنبيع بياناتك ولا بيانات زوارك لأي حد، ومش بنستخدمها في إعلانات.

مين بيشوف البيانات

فريق ترقمي المسؤول عن موقعك فقط، بصلاحيات محددة.

مزودين بنعتمد عليهم في التشغيل، زي الاستضافة وإرسال الإيميلات، وبيعالجوا البيانات لصالحنا بس.

جهة رسمية لو القانون طلب ده.

الكوكيز والتحليلات

المنصة بتستخدم كوكيز ضرورية لتسجيل الدخول. لو فعّلت Google Analytics على موقعك، بيتجمع عن زوارك بيانات استخدام مجمعة.

الحماية والاحتفاظ

الاتصال مشفر (HTTPS)، وكلمات المرور مشفرة، وفيه تحقق بخطوتين، وكل موقع معزول عن التاني، ونسخة احتياطية يومية.

بنحتفظ بالبيانات طول ما حسابك شغال، والمعاينات اللي ماتأكدتش بتتمسح بعد ٧ أيام.

حقوقك

من حقك تعرف البيانات المحفوظة عنك، وتصححها، وتطلب مسحها أو نسخة منها، وتعترض على معالجتها، في حدود القانون. ابعت طلبك عن طريق tarqumi.com.

تعديل السياسة

ممكن نحدّث السياسة دي، ولو التغيير مهم هنبلغك بالإيميل.